CAFCA* (Cultura, Arte, Familia, Ciudá Abierta) ye un festival d’artes escéniques pensáu pa esfrutar en familia. Nació en 2020 cola idea d’ufiertar propuestes culturales diferentes, sorprendentes y abiertes a tol tipu de públicu, ensin importar la edá.

El festival tresforma la ciudá nun gran escenariu, apostando por tres pilares fundamentales: acercar espresiones artístiques pocu convencionales, crear espacios de disfrute compartíu ente xeneraciones y dar nuevos usos culturales a llugares inesperaos.

Mientres tres díes, CAFCA* enllena Uviéu de teatru, conciertos, danza vertical, lírica, maxa, acrobacies, instalaciones artístiques, teatru de sombres, cine-conciertos, títeres, realidá aumentada o espectáculos d’oxetos. Una programación variada que tresforma parques, xardinos, cais, places, teatros y hasta edificios ensin usu en espacios pal alcuentru y la imaxinación.

Más allá del espectáculu, CAFCA* busca que l’arte forme parte de la vida cotiana y que’l públicu redescubra la ciudá dende una mirada cultural, creativa y compartida.

A finales de xunu, Uviéu ábrese a la fantasía, al xuegu y al arte en familia.