Los Conciertos del Auditoriu y les Xornaes de Piano “Luis G. Iberni” tienen la so sede nel Auditoriu Príncipe Felipe dende la so creación, anque les primeres ediciones nacieron nel Teatru Campoamor con un formatu más reducíu. Güei, esta programación forma parte de les cinco temporades sinfóniques más importantes del país y consolidóse como un referente indiscutible na cornisa cantábrica.

Esti ciclu musical pon a Uviéu como una auténtica capital cultural, con capacidá pa marcar tendencia y teyer alíances colos principales centros de producción europeos. De fechu, cuasi’l 90 % de les orquestes y artistes participantes proceden del ámbitu européu, y dende Uviéu trabáyase activamente en rede con otres orquestes españoles y internacionales, impulsando encargos a compositores de toa la Xunión Europea.

La temporada actual va traer a la ciudá figures de primer nivel como Sonya Yoncheva, Sondra Radvanovsky, Grigory Sokolov o Joyce DiDonato, amás de grandes formaciones como Les Arts Florissants, la Orquesta Filarmónica de la Radio de Francia o, por primer vegada n’Uviéu, la prestixosa Real Orquesta del Concertgebouw baxo la batuta de Klaus Mäkelä, ún de los directores más solicitaos del panorama internacional.