Retrásase al 9 de marzu la primer fase de seleición de Capital Europea de la Cultura 2031

El Ministeriu de Cultura comunicó que la primer fase de seleición de les ciudaes candidates a Capital Europea de la Cultura 2031 va celebrase finalmente ente los díes 9 y 13 de marzu, y non nes feches inicialmente previstes.

D’esta manera, Uviéu va encarar el primer corte del procesu de seleición nel mes de marzu, xunto con otres ciudaes candidates: Burgos, Cáceres, Granada, Jerez, Las Palmas de Gran Canaria, Palma, Potries y Toledo.

La presentación oficial de la candidatura d’Uviéu énte’l comité seleicionador va tener llugar el miércoles 11 de marzu, mientres que la decisión sobre les ciudaes que pasen esta primer fase d’evaluación va facese pública’l vienres 13 de marzu.

El títulu de Capital Europea de la Cultura 2031 va concedese a finales de 2026.

Uviéu sigue trabayando na preparación y defensa del so proyeutu cultural, basáu na participación ciudadana, la cohesión social y la proyeición europea del territoriu, col oxetivu d’asitiar la ciudá y Asturies nel mapa cultural d’Europa