Candás acueye la esposición inspirada en La levedá de les libélules nun momentu decisivu pa Uviéu 2031

La villa de Candás acueye estos díes la esposición de Faustino López inspirada en La levedá de les libélules, el llibru de Carlos López-Otín. La muestra, concebida como homenaxe al científicu asturianu, xunta once pintures y ventitrés escultures móviles que dialoguen con ún de los símbolos visuales más reconocibles de la publicación: la fusión del Home de Vitruviu cola simetría de les ales de les libélules.

Les obres esploren l’equilibriu ente gravedá y movimientu, ente precisión xeométrica y sensibilidá estética. Nos lienzos, el color y les formes flotantes evoquen harmonía y dinamismu; nes escultures cinétiques, l’aire conviértese en parte de la pieza, sosteniendo composiciones que oscilen con delicadeza y precisión. El conxuntu ye un tributu a la trayeutoria científica y humanista de López-Otín y a la so capacidá pa tender pontes ente conocimientu y sensibilidá.

La esposición celébrase nun momentu decisivu pa la candidatura de Oviedo a Capital Europea de la Cultura 2031. López-Otín forma parte del Conseyu Asesor del proyectu y participará en Madrid na defensa del bidbook ante’l panel d’espertos europeos, nuna fase clave del procesu de selección.

Que la muestra tenga como escenariu Candás sorraya amás la dimensión territorial que acompaña a la candidatura uvieína. La implicación de figures de referencia internacional como López-Otín refuerza la proyección europea del proyectu y evidencia la conexón ente creación artística, pensamientu científicu y compromisu col territoriu nesti tramu determinante escontra 2031.