AMABILIDÁ
Amabilidá como actu de resistencia
Uviéu apela a la AMABILIDÁ frente a una sociedá marcada pola agresividá y la violencia. Ye una resistencia necesaria y urxente que nos recuerda que esiste otra manera d’habitar el mundu, más poderosa que l’odiu y la ira. Esta AMABILIDÁ va muncho más allá de la cortesía: ye una respuesta ética frente a la imposición y el resentimientu, una forma de resiliencia democrática que apela al humanismu sobre’l que se construyó la Unión Europea.
La cultura ye’l meyor vehículu pa xenerar narrativas d’esta AMABILIDÁ tresformadora, capaces de tresmitir esperanza, respetu y confianza nel otru, y d’imaxinar una convivencia pacífica que concilie diferencies y fomente la coexistencia y la coevolución.
Participa, crea, tresforma: un territoriu que se construye dende quien lo habita
Soñamos con una Asturies onde la cultura acompaña, coneuta y da sentíu; que inspira nueves formes de mirar el presente y d’imaxinar el futuru. Un territoriu que cuida les sos raigaños y s’abrir a lo nuevo, que asume la diversidá como una riqueza compartida y entiende la cultura como un espaciu vivu, permeable y en constante evolución. Un territoriu cuyo puntu d’alcuentru ta na so historia, la so creatividá y la suma de distintes identidaes.
Uviéu 2031 ye la invitación a construyir daqué xuntes y xuntos, tecer redes, xunir xeneraciones, a descentralizar y a facer de la cultura un espaciu compartíu que nos xuna. Un proyectu que apuesta pola cultura como práctica cotidiana, cercana y amable, capaz de reflexanos y de meyorar la convivencia.