Uviéu avanza na so candidatura con una xornada centrada nes ferramientes culturales europees
El Talud de la Ería acoyó ayeri una xornada abierta entamada pol equipu de la candidatura Uviéu 2031, centrada nes ferramientes culturales de la Comisión Europea: Capitales Europees de la Cultura y Europa Creativa.
Con una destacada participación del texíu cultural llocal, l’alcuentru incluyó una mesa redonda moderada por Natalia Álvarez Simó, direutora artística de la candidatura, na que participaron Imanol Galdós (Donostia Kultura), Víctor Domeque (Zaragoza Cultural) y la esperta internacional Cristina Farinha.
Los ponentes compartieron claves sobre’l llegáu a llargu plazu, la participación ciudadana, la collaboración ente axentes y la dimensión europea de los proyeutos culturales.
La xornada remató con un taller práuticu sobre cómo presentar propuestes al programa Europa Creativa, desendolcáu pol consultor Manuel García Álvarez.
Una cita que refuerza’l compromisu d’Uviéu con una candidatura abierta, participativa y coneutada con Europa.
